Bio‑Oil®

Dry Skin Gel 50ml
Dry Skin Gel 100ml
Dry Skin Gel 200ml

အရေပြား အစိုဓာတ်ဖြည့်ပေးမှုကို သိသိသာသာ မြှင့်တင်ပေးပါတယ်။

လိမ္မော်ရောင် / ပန်းရောင်ဂျယ်လ်။

84% အစိုဓာတ်မထွက်သွားအောင် ပိတ်ဆို့ပေးသော ပါဝင်ပစ္စည်းများ၊ 13% အစိုဓာတ်ထိန်းပစ္စည်းများနှင့် 3% ရေပါသော ဂျယ်လ်။

Paraffinum Liquidum, Isopropyl Palmitate, Triisononanoin, Glycerin, Cetearyl Ethylhexanoate, Isopropyl Myristate, Aqua, Caprylic / Capric Triglyceride, Isostearyl Isostearate, C26-28 Alkyl Dimethicone, Butyrospermum Parkii Butter, Sodium Lactate, Urea, Gluconolactone, Sodium PCA, Sodium Hyaluronate, Octyldodecyl PCA, Sucrose Laurate, Sucrose Stearate, Lactic Acid, Lanolin, Butylene Glycol, Dimethicone / Vinyl Dimethicone Crosspolymer, Bisabolol, Helianthus Annuus Seed Oil, Silica, Glycine Soja Oil, Retinyl Palmitate, Tocopheryl Acetate, Niacinamide, Linoleic Acid, Linolenic Acid, Tocopherol, Anthemis Nobilis Flower Oil, Calendula Officinalis Extract, Rosmarinus Officinalis Leaf Oil, Lavandula Angustifolia Oil, Parfum, Farnesol, Limonene, Linalool, CI 17200.

Bio‑Oil® Dry Skin Gel တွင် ဓာတ်မတည့်မှုဖြစ်စေသည့်ပစ္စည်း သုံးခု ရှိသည်။ ဓာတ်မတည့်မှုဖြစ်စေသည့်ပစ္စည်းအများစုကဲ့သို့ပင် ယင်းတို့သည် အပင်ဆီများနှင့် ရနံ့တို့တွင် ရှိကြသည်။ ယင်းတို့မှာ - Farnesol၊ Limonene နှင့် Linalool တို့ဖြစ်သည်။

Bio‑Oil® Dry Skin Gel ကို အရည်အချင်းပြည့်မီသော အဆိပ်ဗေဒပညာရှင်တစ်ဦးက ဘေးကင်းမှု အကဲဖြတ်ချက် ပြုလုပ်ထားပြီး ကိုယ်ဝန်ဆောင်၊ နို့တိုက်မိခင်များနှင့် အသက်သုံးနှစ်အထက်ကလေးများအပါအဝင် အရွယ်ရောက်ပြီးသူများက ရည်ရွယ်ထားသည့်အတိုင်း အသုံးပြုရန်အတွက် ဘေးကင်းကြောင်း သတ်မှတ်ခံရသည်။

စမ်းသပ်လေ့လာမှုဌာန Complife Italia S.r.l၊ အီတလီ။ ရည်မှန်းချက် အရေပြား အစိုဓာတ်ဖြည့်ပေးမှု တိုးမြှင့်ပေးနိုင်စွမ်းတွင် Bio‑Oil® Dry Skin Gel ၏ အစွမ်းထက်မှု အာနိသင်ကို စမ်းသပ်ရန် လက်တွေ့စမ်းသပ်အကဲဖြတ်ချက်။ နမူနာ စမ်းသပ်ခံသူများ- ဖြူဖျော့ဖျော့နှင့် နေရောင်ဒဏ်မခံနိုင်သော အသားအရေ အမျိုးအစား II-V ရှိပြီး ခြေသလုံးတွင် ခြောက်သွေ့ / အလွန်ခြောက်သွေ့သော အသားအရေ (အဆင့် II-IV) ရှိကြောင်းကို လက်တွေ့ပြ၍ စာရင်းသွင်းချိန်တွင် Corneometer တန်ဖိုး 40 အောက်ရှိသည့် ကျန်းမာသန်စွမ်းသော အမျိုးသမီးပါဝင်စမ်းသပ်ခံသူ 40 ဦး။ စမ်းသပ်သည့်နေရာ- စမ်းသပ်ကုန်ပစ္စည်းကို စမ်းသပ်ခံသူအားလုံး၏ ခြေသလုံး တစ်ခုလုံးတွင် လိမ်းသည်။ ပါဝင်စမ်းသပ်ခံသူများ၏ အသက်- 40–65 နှစ်။ နည်းစနစ် ခန္ဓာကိုယ် အစိတ်အပိုင်းခွဲ၍ စမ်းသပ်ထားပြီး၊ စမ်းသပ်အကဲဖြတ်သူအား အချက်အလက်လျှို့ဝှက်ထားသော၊ ကျပန်းရွေးချယ်ထားသော၊ ထိန်းချုပ်ထားသော ပစ္စည်းကိရိယာသုံး လက်တွေ့စမ်းသပ် လေ့လာမှု။ စမ်းသပ်ခံသူများသည် ကနဦး စစ်ဆေးအကဲဖြတ်မှုတွင် ပါဝင်ပြီး ထို့နောက်တွင် 7 ရက်ကြာ အခြောက်ခံသည့်ကာလ၊ 28 ရက်ကြာ ကုသမှုကာလနှင့် 3 ရက်ကြာ နောက်ဆက်တွဲ စောင့်ကြည့်မှုကာလ (မူလအခြေအနေပြန်ဖြစ်မှု ရှိ၊ မရှိစောင့်ကြည့်ခြင်း) တို့ ဆက်လက်ဖြစ်ပွားသည်။ အခြောက်ခံကာလအတွင်းနှင့် လေ့လာမှုတစ်လျှောက်လုံး စမ်းသပ်ခံသူများသည် ၎င်းတို့၏ ခြေထောက်များကို Dove Beauty Bar ဖြင့် နေ့စဉ် နှစ်ကြိမ် ဆေးကြောခဲ့သည်။ ထို့နောက် Bio‑Oil® Dry Skin Gel ကို သတ်မှတ်ထားသော ခြေသလုံးတွင် တစ်နေ့လျှင် နှစ်ကြိမ် လိမ်းပြီး ကျန်ခြေထောက်တစ်ဖက်ကို မလိမ်းဘဲထားသည်။ လက်တွေ့ စစ်ဆေးအကဲဖြတ်ခြင်းနှင့် ပစ္စည်းကိရိယာသုံး အကဲဖြတ်ချက်များကို စစ်ဆေးချိန်၊ အခြေခံနှင့် 1 ရက်၊ 3 ရက်၊ 6 ရက်၊ 8 ရက်၊ 10 ရက်၊ 14 ရက်၊ 21 ရက်၊ 28 ရက်၊ 29 ရက်၊ 30 ရက်နှင့် 31 ရက်မြောက်များတွင် ပြုလုပ်ခဲ့သည်။ နှိုင်းယှဉ်ရန်အတွက် လိုးရှင်းမလိမ်းထားသောနေရာကိုလည်း အချိန်တိုင်းတွင် အကဲဖြတ်ခဲ့သည်။ အကဲဖြတ်မှုသည် အောက်ပါအတိုင်းဖြစ်ခဲ့သည်- ပါဝင်စမ်းသပ်ခံသူများကို လေ့ကျင့်သင်ကြားထားသော ကြည့်ရှုအကဲဖြတ်သူတစ်ဦးမှ (0-5 စကေးအရ) ခြောက်သွေ့မှုအတွက် လက်တွေ့အဆင့်သတ်မှတ်ထားပါသည်။ Corneometer ဖြင့် အရေပြားကို ရေဓာတ်ဖြည့်တင်းပေးမှုအား အရေအတွက်စံပြုတိုင်းတာမှု။ အရေပြား ရေဓာတ်ဆုံးရှုံးခြင်း၊ ထိခိုက်ခြင်းမရှိအောင် တားဆီးပေးနိုင်မှု၏ ညွှန်ပြချက်အဖြစ် အရေပြားရေဓာတ်ဆုံးရှုံးမှု (TEWL) ၏ အရေအတွက်စံပြုတိုင်းတာမှုကို အရေပြားရေဓာတ်ဆုံးရှုံးမှု တိုင်းတာစက်ဖြင့် လုပ်ဆောင်ခဲ့သည်။ ရလဒ် Bio‑Oil® Dry Skin Gel က လက်တွေ့စောင့်ကြည့်စစ်ဆေးမှုတစ်ခုစီတွင်အရေပြား အစိုဓာတ်ဖြည့်ပေးမှု၊ အရေပြား ရေဓာတ်ဆုံးရှုံးခြင်း၊ ထိခိုက်ခြင်းမရှိအောင် တားဆီးပေးနိုင်မှုနှင့် ခြောက်သွေ့သော အသားအရေ၏ အသွင်အပြင် (ခြောက်သွေ့မှုကို လက်တွေ့စမ်းသပ်အဆင့်ခွဲခြင်း) တို့တွင် ကိန်းဂဏန်းအချက်အလက်အရ သိသာထင်ရှားသော တိုးတက်မှုရှိလာကြောင်း ဆုံးဖြတ်ခဲ့ပြီး အခြေခံတန်ဖိုးများနှင့် ဂျယ်လ်မလိမ်းထားသော (ဘာမှမပါသည့်) နေရာနှစ်ခုလုံးနှင့် နှိုင်းယှဉ်ခဲ့သည်။ ခြောက်သွေ့မှုကို လက်တွေ့စမ်းသပ်အဆင့်ခွဲခြင်းအတွက် 1 ရက်မြောက်မှစတင်၍ ပါဝင်စမ်းသပ်ခံသူများ၏ 62% တွင် ကိန်းဂဏန်းအချက်အလက်အရ သိသာထင်ရှားသော တိုးတက်မှုများကို မြင်သာခဲ့ပြီး 3 ရက်မြောက်မှစ၍ ပါဝင်စမ်းသပ်ခံသူများ၏ 85% ကျော်တွင် မြင်သာခဲ့သည်။ 21 ရက်မြောက်မှစ၍ ပါဝင်စမ်းသပ်ခံသူများ၏ 100% လုံးတွင် တိုးတက်မှုရှိကြောင်း ပြသခဲ့သည်။ 28 ရက်မြောက်တွင် ပါဝင်စမ်းသပ်ခံသူများသည် 1 ရက်မြောက်တွင် မှတ်သားခဲ့သည့် လက်တွေ့စမ်းသပ်အဆင့်ခွဲခြင်း ရမှတ်တွင် တိုးတက်မှု၏ 3.5 ဆကျော်ထိ ဖြစ်လာကြောင်းကို ပြသခဲ့သည်။ 28 ရက်အသုံးပြုပြီးနောက် ပါဝင်စမ်းသပ်ခံသူများ၏ 100% သည် အရေပြား အစိုဓာတ်ဖြည့်ပေးမှုတွင် သိသာထင်ရှားစွာ တိုးတက်ပြီး 1 ရက်မြောက်ထက် နှစ်ဆကျော် တိုးတက်လာသည်ကို တွေ့ရသည်။ အလားတူ၊ 28 ရက်အသုံးပြုပြီးနောက် ပါဝင်စမ်းသပ်ခံသူများ၏ 82% သည် TEWL တွင် သိသိသာသာ ကျဆင်းသွားသည်ကို ပြသခဲ့ပြီး 1 ရက်မြောက်ထက် 5.5 ဆအထိ ပိုမိုတိုးတက်ခဲ့သည်။ အရေပြား အစိုဓာတ်ဖြည့်ပေးမှု၊ အရေပြား ရေဓာတ်ဆုံးရှုံးခြင်းနှင့် ထိခိုက်ခြင်းမဖြစ်အောင် တားဆီးပေးနိုင်မှုနှင့် ခြောက်သွေ့သော အသားအရေ၏ အသွင်အပြင်ကို ပိုမိုတိုးတက်ကောင်းမွန်စေနိုင်စွမ်းတွင် Bio‑Oil® Dry Skin Gel ၏ ထိရောက်မှုကိုလည်း ကုန်ပစ္စည်းအသုံးပြုမှုကို ရပ်တန့်လိုက်ပြီး နောက်ဆက်တွဲ 3 ရက်အတွင်း အတည်ပြုခဲ့သည်။

စမ်းသပ်လေ့လာမှုဌာန Complife Italia S.r.l၊ အီတလီ။ ရည်မှန်းချက် Bio‑Oil® Dry Skin Gel ၏ အရေပြားယားယံမှုကို ဖြစ်စေသော အလားအလာကို အကဲဖြတ်ရန်။ နမူနာ စမ်းသပ်ခံသူများ- ပါဝင်စမ်းသပ်ခံသူ 30 ဦး၊ အမျိုးသမီး 28 ယောက်နှင့် အမျိုးသား 2 ယောက်၊ အားလုံးသည် လက်တစ်အက်ဆစ်ကြောင့် စပ်ဖျဉ်းဖျဉ်းဖြစ်ခြင်း စမ်းသပ်မှုအရ အထိခိုက်မခံသော အသားအရေရှိသူများ ဖြစ်သည်။ ပါဝင်စမ်းသပ်ခံသူများ၏ အသက်- 18–70 နှစ်။ နည်းစနစ် ထိန်းချုပ်လေ့လာမှု။ နေရာနှစ်ခုကို အကဲဖြတ်ခဲ့သည်- ဘာမှမပါသည့်ပစ္စည်း (သတ္တုဓာတ်များဖယ်ရှားထားသည့်ရေ) လိမ်းထားသော နေရာနှင့် Bio‑Oil® Dry Skin Gel ကို လိမ်းထားသည့်နေရာ။ Finn Chamber® ကို အသုံးပြု၍ 48 နာရီကြာအောင် စမ်းသပ်ကုန်ပစ္စည်းများကို ပါဝင်စမ်းသပ်ခံသူများ၏ နောက်ကျောနေရာတွင် လိမ်းခဲ့သည်။ ကပ်ခွာကို ဖယ်ရှားပြီးနောက် 15 မိနစ်၊ 1 နာရီနှင့် 24 နာရီအကြာတို့တွင် မူလအရေပြား ယားယံမှုကို အကဲဖြတ်ရန် အရေပြားအထူးကုဆရာဝန်၏ ကြီးကြပ်မှုအောက်တွင် အရေပြားဓာတ်မတည့်မှုများကို အကဲဖြတ်ခဲ့သည်။ အရေပြားဓာတ်မတည့်မှုများကို 0-4 စကေးဖြင့် အဆင့်သတ်မှတ်ခဲ့သည် (0 တွင် အရေပြားအနီစက်ထခြင်း၊ ရောင်ကိုင်းခြင်း သို့မဟုတ် အခြားအရေပြား ယားယံမှု အမျိုးအစားများ မရှိ၍ 4 တွင် ပြင်းထန်သော အရေပြားအနီစက်ထခြင်းနှင့် ရောင်ကိုင်းခြင်း၊ အရေပြား နီညိုရောင်ဖြစ်ခြင်းနှင့် လိမ်းထားသည့်နေရာထက် ကျော်လွန်၍ ရောင်ရမ်းခြင်းဖြစ်သည်)။ ရလဒ် Bio‑Oil® Dry Skin Gel ၏ အရေပြားခံနိုင်ရည်ရှိမှုအား ''စပ်ဖျဉ်းဖျဉ်းမဖြစ်စေ'' ဟု မှတ်ယူသည်။

စမ်းသပ်လေ့လာမှုဌာန Complife Italia S.r.l၊ အီတလီ။ ရည်မှန်းချက် Bio‑Oil® Dry Skin Gel ၏ အဆီဖုထွက်စေသည့် ဖြစ်နိုင်ခြေကို အကဲဖြတ်ရန်။ နမူနာ စမ်းသပ်ခံသူများ- ပါဝင်စမ်းသပ်ခံသူ 20 ဦး၊ ဝက်ခြံထွက်လွယ်သည့် အသားအရေရှိသော အမျိုးသမီး 18 ဦးနှင့် အမျိုးသား 2 ဦး။ ပါဝင်စမ်းသပ်ခံသူများ၏ အသက်- 18–65 နှစ်။ နည်းစနစ် ထိန်းချုပ်လေ့လာမှု။ ကုန်ပစ္စည်းကို စစ်ထုတ်သည့် စာရွက်ဝိုင်းပေါ်တင်၍ ပါဝင်စမ်းသပ်ခံသူများ၏ အပေါ်ပိုင်း ကျောဘက်ပေါ်တွင် လိမ်းခဲ့သည်။ ကပ်ခွာများကို 48 နာရီမှ 72 နာရီအထိ ထိုနေရာတွင် ထားခဲ့ပြီးနောက် ဖယ်ရှား၍ ထပ်လိမ်းခဲ့သည်။ စုစုပေါင်း ကပ်ခွာ 12 ခုကို 4 ပတ်ဆက်တိုက် သုံးခဲ့သည်။ ဘာမှမပါသည့်ပစ္စည်း (သတ္တုဓာတ်များဖယ်ရှားထားသည့်ရေ)၊ စမ်းသပ်ကုန်ပစ္စည်း (Bio‑Oil® Dry Skin Gel) နှင့် စစ်ဆေးမည့်အရာ ထည့်ထားသည့်ပစ္စည်း (အဆီဖုထွက်စေသော ကုန်ပစ္စည်းဟု သိထားသည့် လန်နိုလင် အယ်လ်ကိုဟော) တို့ကို နှိုင်းယှဉ်ခြင်းဖြင့် နေရာသုံးခုကို အကဲဖြတ်ခဲ့သည်။ ကုန်ပစ္စည်းတစ်ခုစီ၏ မလိမ်းမီနှင့် လိမ်းပြီးတွင် အဆီဖုများ ရှိနေမှုကို နှိုင်းယှဉ်ရန် အရေပြားအထူးကုဆရာဝန်၏ ကြီးကြပ်မှုအောက်တွင် ကပ်ခွာတစ်ခုစီကို ဖယ်ရှားပြီးနောက် 15 မိနစ်အကြာတွင် အရေပြားဓာတ်မတည့်မှုများကို လက်တွေ့ အကဲဖြတ်ခဲ့ပါသည်။ ရလဒ် Bio‑Oil® Dry Skin Gel သည် အဆီဖုမထွက်စေကြောင်း တွေ့ရှိခဲ့သည်။ Bio‑Oil® Dry Skin Gel လိမ်းထားသော နေရာသည် ဘာမှမပါသည့်ပစ္စည်း လိမ်းထားသောနေရာနှင့် သိသိသာသာ ကွာခြားမှုမရှိကြောင်း တွေ့ရသည်။ စစ်ဆေးမည့်အရာ ထည့်ထားသည့်ပစ္စည်းသည် ဝက်ခြံဖြစ်စေခဲ့သည်။

စမ်းသပ်လေ့လာမှုဌာန Rigano Laboratories၊ မီလန်၊ အီတလီ။ ရည်မှန်းချက် Bio‑Oil® Dry Skin Gel ၏ အစိုဓာတ်မထွက်သွားအောင် ပိတ်ဆို့ပေးနိုင်စွမ်းနှင့် ထိုသို့ပိတ်ဆို့ပေးနိုင်စွမ်းဖြင့် TEWL ကို လျှော့ချပြီး ၎င်း၏ အသားအရေကို အစိုဓာတ်ထိန်းသိမ်းရန် ကူညီပေးနိုင်စွမ်းကို လက်တွေ့စမ်းသပ် ဆုံးဖြတ်ရန်။ နည်းစနစ် လူ့အသားအရေ၏ မျက်နှာပြင် အရည်အသွေးများကို တုပထားသည့် Vitro-Skin™ ဟု ခေါ်သော တစ်ဝက်စိမ့်ဝင်နိုင်သည့် အလွှာပါးဖြင့် ဖုံးအုပ်ထားသော ဘီကာခွက်များထဲတွင် အတိအကျသတ်မှတ်ထားသော ရေပမာဏများကို ထည့်ထားခဲ့သည်။ ကုန်ပစ္စည်းကို အလွှာပါးပေါ်တွင် လိမ်းပြီး အချိန်ကြာလာသည်နှင့်အမျှ ဘီကာခွက်များမှ ရေဆုံးရှုံးမှုနှုန်းကို တိုင်းတာခဲ့သည်။ ယင်းကို အလွှာပါးပေါ်တွင် မည်သည့်ကုန်ပစ္စည်းမျှမပါသည့် နှိုင်းယှဉ် ဘီကာခွက်များမှ ရေဆုံးရှုံးမှုနှုန်းနှင့် နှိုင်းယှဉ်ခဲ့သည်။ ရလဒ် ရေငွေ့ ထုတ်လွှတ်မှုနှုန်း (WVTR) စမ်းသပ်မှု နည်းစနစ်သည် ကုန်ပစ္စည်းများ၏ အစိုဓာတ်မထွက်သွားအောင် ပိတ်ဆို့ပေးနိုင်စွမ်းကို တိုင်းတာခြင်းအတွက် စံစမ်းသပ်မှုတစ်ခု ဖြစ်သည်။ WVTR တန်ဖိုး လျော့နည်းခြင်းက ဖော်မြူလာတစ်ခုသည် အစိုဓာတ်မထွက်သွားအောင် ပိတ်ဆို့ပေးနိုင်သည်ဟု ညွှန်ပြခြင်းဖြစ်သည်။ Bio‑Oil® Dry Skin Gel သည် Vitro-Skin™ အလွှာပါးတွင် လိမ်းသည့်အခါ မလိမ်းဘဲ သဘာဝအတိုင်းထားရှိသည့်အရာနှင့် ကိန်းဂဏန်းအချက်အလက်အရ နှိုင်းယှဉ်ပါက WVTR တန်ဖိုးများ လျော့နည်းသွားကြောင်း ပြသခဲ့သည်။ Bio‑Oil® Dry Skin Gel သည် လက်တွေ့လူ့အသားအရေပေါ်လိမ်းသောအခါ အသားအရေကို အစိုဓာတ်ထိန်းသိမ်းရန် အထောက်အကူပြုမည်ဖြစ်ပြီး ထိုနည်းဖြင့် ခြောက်သွေ့သော အသားအရေ၏ လက္ခဏာများကို သက်သာစေမည်ဟု ဤစမ်းသပ်ခန်းရလဒ်က ဖော်ပြသည်။

အသုံးပြုခြင်း လမ်းညွှန်ချက်များ Bio‑Oil® Dry Skin Gel ကို ခြောက်သွေ့သော အသားအရေပေါ် လိုအပ်သလိုလိမ်းပါ။ အသားအရေက ဆက်လက်ခြောက်သွေ့နေပါက တစ်နေ့နှစ်ကြိမ်၊ နံနက်ပိုင်းနှင့် ညပိုင်းတို့တွင် လိမ်းပါ။ အကောင်းဆုံးရလဒ်များအတွက် ရေချိုးပြီးနောက် သန့်စင်သော အသားအရေပေါ်တွင် ကုန်ပစ္စည်းကို လိမ်းသင့်သည်။ အခြားကုန်ပစ္စည်းများကို လိမ်းမည်ဆိုလျှင် Bio‑Oil® Dry Skin Gel အရေပြားထဲ လုံးဝစိမ့်ဝင်ပြီးနောက်တွင်သာ လိမ်းပါ။ Bio‑Oil® Dry Skin Gel ကို ခန္ဓာကိုယ်အတွက် သတ်သတ်မှတ်မှတ် ဖော်စပ်ထားသော်လည်း မျက်နှာပေါ်တွင် အသုံးပြုနိုင်ပါသည်။ အသုံးပြုမှုဆိုင်ရာ သတိပြုရန်များ Bio‑Oil® Dry Skin Gel သည် လိမ်းဆေးအလှကုန်အဖြစ် အသုံးပြုရန်အတွက်သာ ရည်ရွယ်ပါသည်။ ကုန်ပစ္စည်းကို ပွင့်နေသော ဒဏ်ရာ သို့မဟုတ် ပွန်းပဲ့နေသော အရေပြားပေါ်တွင် မလိမ်းသင့်ပါ။ မျက်လုံးအတွင်းသို့ မဝင်စေရန် ဂရုပြုရပါမည်။ အကယ်၍ မျက်လုံးအတွင်းသို့ ဂျယ်လ် ဝင်ရောက်သွားပါက ရေနှင့်သေချာစွာ ဆေးပေးပါ။ ကလေးများနှင့်လက်လှမ်းမမှီသော နေရာတွင်ထားပါ။ အသုံးပြုရမည့် ပမာဏ ခြောက်သွေ့သော အသားအရေအတွက် အစိုဓာတ်ဖြည့် ခရင်မ်များ၊ လိုးရှင်းများနှင့် ထောပတ်များကို လိမ်းသည့်အခါ ဤကုန်ပစ္စည်းများသည် အဓိကအားဖြင့် အရေပြားနှင့် ထိတွေ့သည့်အခါ အငွေ့ပျံသည့် ရေဖြစ်သောကြောင့် ပမာဏများများ လိမ်းရန် လိုအပ်သည်။ Bio‑Oil® Dry Skin Gel သည် 84% ဆီ၊ ထောပတ်နှင့် ပျားဖယောင်းကဲ့သို့ အဆီခဲများဖြစ်သောကြောင့် ခန္ဓာကိုယ်နေရာ တစ်နေရာတည်းကို အနှံ့လိမ်းနိုင်ရန် သိသိသာသာ နည်းသော ပမာဏကိုသာ အသုံးပြုရန် လိုအပ်သည်။ ကိုယ်ဝန်ဆောင်စဉ် အသုံးပြုမှု Bio‑Oil® Dry Skin Gel သည် ကိုယ်ဝန်ဆောင်စဉ်အတွင်း အသုံးပြုရန် ဘေးကင်းသည်။ ဗီတာမင် A နှင့် ကိုယ်ဝန်ဆောင် အမျိုးသမီးများအား များသောအားဖြင့် ကိုယ်ဝန်ဆောင်စဉ်အတွင်း ဗီတာမင် A အာဟာရဖြည့်စွက်စာများကို အကန့်အသတ်ဖြင့် စားသုံးရန် အကြံပြုထားသောကြောင့် ဗီတာမင် A ပါသော အသားအရေထိန်းသိမ်းမှု ကုန်ပစ္စည်းများကို အသုံးပြုခြင်းနှင့်ပတ်သက်၍ စိုးရိမ်မှုများရှိနိုင်ပါသည်။ အရေပြားပေါ်တွင် လိမ်းထားသော မည်သည့်အရာမဆိုသည် ၎င်း၏ အဆိပ်အတောက်ဆိုင်ရာ သတ်မှတ်အဆင့်ထက် ကျော်လွန်မှသာ အန္တရာယ်ဖြစ်စေပါသည်။ အရေပြားသည် ထိုးဖောက်ဝင်ရောက်မှုတွင် သိသာသော အတားအဆီးတစ်ခုကို ဖြစ်ပေါ်စေသောကြောင့် လိမ်းထားသော ဗီတာမင် A အနည်းငယ်မျှသာ ခန္ဓာကိုယ်ထဲသို့ ဝင်ရောက်သည်။ ဥရောပကော်မရှင်၏ သုံးစွဲသူ ဘေးကင်းရေးဆိုင်ရာ သိပ္ပံနည်းကျကော်မတီ (SCCS) သည် ဗီတာမင် A နှင့် ၎င်း၏ အက်စတာဒြပ်ပေါင်းများကို အလှကုန်ပါဝင်ပစ္စည်းများအဖြစ် အသုံးပြုသည့်အချိန်တွင် အကဲဖြတ်ခဲ့သည်။ SCCS ၏ ယူဆချက်အရ ကိုယ်လိမ်းလိုးရှင်းများတွင် ဗီတာမင် A ကို ရက်တီနော အလားတူပမာဏ အမြင့်ဆုံးပါဝင်မှု 0.05% အထိ အသုံးပြုခြင်းသည် ဘေးကင်းပါသည်။ Bio‑Oil® Dry Skin Gel ဖော်မြူလာတွင် ပါဝင်သော ဗီတာမင် A သည် ကိုယ်လိမ်းလိုးရှင်းအတွက် အများဆုံးခွင့်ပြုနိုင်သော ဤပါဝင်မှုအောက် အဆင့်တွင်ရှိပြီး ကိုယ်ဝန်ဆောင်ကာလ တစ်လျှောက်လုံး ဘေးကင်းစွာ အသုံးပြုနိုင်ပါသည်။ ရို့စ်မေရီအရွက်မှရသည့် အဆီနှင့် ကိုယ်ဝန်ဆောင်ခြင်း ပါဝင်မှုနှုန်းမြင့်သော ရို့စ်မေရီအရွက်မှရသည့် အဆီသည် ရာသီသွေးစီးဆင်းမှု ဖြစ်ပေါ်စေသည့် ပစ္စည်းဖြစ်ကြောင်း တွေ့ရှိရသည်၊ ဆိုလိုသည်မှာ ၎င်းတွင် ရာသီလာစေရန် လှုံ့ဆော်ပေးနိုင်စွမ်းရှိပြီး အချိန်မတိုင်ဘဲ စောမွေးခြင်းကို ဖြစ်ပေါ်စေနိုင်သည်။ ထို့ကြောင့် ပါဝင်မှုနှုန်း မြင့်သော ရို့စ်မေရီအရွက်မှရသည့် အဆီကို အသုံးပြုသည့် ရနံ့ကုထုံး ပညာရှင်များနှင့် ဘယဆေးပင်ကုထုံးပညာရှင်များသည် ကိုယ်ဝန်ဆောင်စဉ်အတွင်း ထိုအဆီကို အသုံးမပြုရန် အကြံပြုကြသည်။ သို့သော်လည်း Bio‑Oil® Dry Skin Gel တွင် ရို့စ်မေရီအရွက်မှရသည့် အဆီ ပါဝင်မှုနှုန်းသည် အလွန်နည်းသောကြောင့် ကိုယ်ဝန်ဆောင်စဉ်အတွင်း အသုံးပြုရန် ဘေးကင်းသည်။ နို့တိုက်ကျွေးနေစဉ် အသုံးပြုမှု Bio‑Oil® Dry Skin Gel သည် နို့တိုက်ကျွေးနေစဉ် ခန္ဓာကိုယ်ပေါ်တွင် အသုံးပြုရန် ဘေးကင်းသော်လည်း နို့သီးခေါင်းများတွင် လိမ်းခြင်းကို ရှောင်ကြဉ်ရန် အကြံပြုထားသည်။ ဘေးထွက်ဆိုးကျိုး မရှိနိုင်သော်လည်း ငယ်ရွယ်သောကလေးငယ်များသည် အလွန်ထိခိုက်လွယ်ပြီး Bio‑Oil® Dry Skin Gel ကို မမျိုချသင့်ပါ။ မွေးကင်းစကလေးများနှင့် ကလေးများတွင် အသုံးပြုမှု အသက်သုံးနှစ်အောက်ကလေးများအတွက် Bio‑Oil® Dry Skin Gel ကို အသုံးပြုလျှင် ဘေးကင်းမှု ရှိ၊ မရှိကို အကဲဖြတ်ထားခြင်းမရှိပါ။ မွေးပြီးပြီးချင်း ပထမနှစ်အနည်းငယ်တွင်၊ ခုခံအားစနစ် ဖွံ့ဖြိုးတိုးတက်မှုအပါအဝင် လူ့ခန္ဓာကိုယ်အတွင်း အပြောင်းအလဲများစွာ ဖြစ်ပေါ်သည်။ ထို့ကြောင့် ၎င်းကို အသက်သုံးနှစ်နှင့်အထက် ကလေးများတွင်သာ အသုံးပြုရန် အကြံပြုထားသည်။ နေရောင်အောက်တွင် အသုံးပြုမှု Bio‑Oil® Dry Skin Gel တွင် ပြုလုပ်သော စမ်းသပ်ချက်များအရ ကုန်ပစ္စည်းသည် နေလောင်ခြင်းကို ဖြစ်နိုင်ခြေ သို့မဟုတ် ပိုမိုဆိုးရွားခြင်း မရှိကြောင်း ပြသသည်။ ထို့ကြောင့် နေရောင်အောက်တွင် အသုံးပြုရန် အန္တရာယ်ကင်းသော်လည်း ကုန်ပစ္စည်းသည် နေ၏ UVA နှင့် UVB ရောင်ခြည်များ၏ အန္တရာယ်ရှိသောသက်ရောက်မှုများကို အကာအကွယ်မပေးသည့်အတွက်ကြောင့် ကုန်ပစ္စည်းကို နေရောင်ကာကွယ်မှု အညွှန်းကိန်း (SPF) အနည်းဆုံး 30 ပါရှိသည့် ဘက်စုံကာကွယ်ပေးသော နေရောင်ကာလိမ်းဆေးနှင့် တွဲဖက်အသုံးပြုရန် အရေးကြီးပါသည်။ ချွဲမြှေးများပေါ်တွင် သို့မဟုတ် အနီးတွင် အသုံးပြုမှု Bio‑Oil® Dry Skin Gel ကို အသုံးပြုမှုတိုင်းအတွက် ဘေးကင်းသည်ဟု ခွဲခြားသတ်မှတ်ထားသော်လည်း ချွဲမြှေးများနှင့် ထိပြီး အသုံးပြုမှုသည် ကုန်ပစ္စည်း၏ ကျိုးကြောင်းဆီလျော်စွာ မှန်းဆနိုင်သော အသုံးပြုမှုမဟုတ်သောကြောင့် ၎င်း၏ ဘေးကင်းမှုကို မစမ်းသပ်ရသေးပါ။ ဓာတ်ရောင်ခြည်ကုထုံး သို့မဟုတ် ဓာတုကုထုံးခံယူနေချိန် အသုံးပြုမှု Bio‑Oil® Dry Skin Gel တွင် ဓာတ်ရောင်ခြည်ကို စုပ်ယူနိုင်သည့် မည်သည့် ပါဝင်ပစ္စည်းမျှ မပါဝင်သော်လည်း ဓာတ်ရောင်ခြည် ကုထုံး သို့မဟုတ် ဓာတုကုထုံးခံယူနေသူများအနေဖြင့် ကုန်ပစ္စည်းကို အသုံးမပြုမီ ဆရာဝန်တစ်ဦး၏ အကြံဉာဏ်ကို ရယူရန် အကြံပြုအပ်ပါသည်။ ကျန်းမာရေးပြဿနာများရှိနေချိန်တွင် အသုံးပြုမှု Bio‑Oil® Dry Skin Gel သည် အရေပြားနီ၍ ရောင်ရမ်းနာကျင်ခြင်း၊ နှင်းခူ၊ အသားထူအရေပြားရောဂါနှင့် မိတ်ထွက်ခြင်းကဲ့သို့သော ကျန်းမာရေးပြဿနာများ၏ လက္ခဏာကို သက်သာစေနိုင်သော်လည်း အဆိုပါအခြေအနေရှိသူများအနေဖြင့် ကုန်ပစ္စည်းကို အသုံးမပြုမီ ဆရာဝန်တစ်ဦး၏အကြံဉာဏ်ကို ရယူသင့်သည်။ အထိခိုက်မခံသော အသားအရေတွင် အသုံးပြုမှု Bio‑Oil® Dry Skin Gel ကို အထိခိုက်မခံသော အသားအရေတွင် အသုံးပြုနိုင်ပါသည်။ အထိခိုက်မခံသော အသားအရေရှိသည့် အသက် 18 မှ 70 နှစ်ကြား ပါဝင်စမ်းသပ်ခံသူ 30 ဦးတွင် အရေပြား ယားယံခြင်း လေ့လာမှု ပြုလုပ်ခဲ့ပြီး မည်သည့်စမ်းသပ်ခံသူတွင်မျှ Bio‑Oil® Dry Skin Gel ကြောင့် ဘေးထွက်ဆိုးကျိုး မကြုံခဲ့ပါ။ အဆီပြန်သောအသားအရေတွင် အသုံးပြုမှု Bio‑Oil® Dry Skin Gel ကို အဆီပြန်သော အသားအရေတွင် သုံးနိုင်သည်။ ဝက်ခြံထွက်လွယ်သော အသားအရေရှိသည့် အသက် 18 မှ 65 နှစ်ကြား ပါဝင်စမ်းသပ်ခံသူ 20 ယောက်ကို စမ်းသပ်လေ့လာမှုတွင် Bio‑Oil® Dry Skin Gel သည် အဆီဖုမထွက်စေကြောင်း တွေ့ရှိခဲ့သည်။ ဝက်ခြံထွက်လွယ်သော အသားအရေတွင် အသုံးပြုမှု Bio‑Oil® Dry Skin Gel ကို ဝက်ခြံထွက်လွယ်သော အသားအရေတွင် အသုံးပြုနိုင်ပါသည်။ ဝက်ခြံထွက်လွယ်သော အသားအရေရှိသည့် အသက် 18 မှ 65 နှစ်ကြား ပါဝင်စမ်းသပ်ခံသူ 20 ယောက်ကို စမ်းသပ်လေ့လာမှုတွင် Bio‑Oil® Dry Skin Gel သည် အဆီဖုမထွက်စေကြောင်း တွေ့ရှိခဲ့သည်။ ဝက်ခြံပေါက်နေသောသူများသည် Bio‑Oil® Dry Skin Gel ကို အသုံးမပြုမီ ဆရာဝန်တစ်ဦး၏ အကြံဉာဏ်ကို ရယူသင့်ပါသည်။

လက္ခဏာများ ခြောက်သွေ့သော အသားအရေ၏ လက္ခဏာများမှာ မွဲခြောက်ပြီး အလွှာလိုက်ကွာကျသော အသားအရေ၊ အရေးကြောင်းများ၊ မီးခိုးရောင် သို့မဟုတ် ပြာမွဲမွဲ အသားအရေနှင့် ကြမ်းတမ်းခြင်းနှင့် တင်းတင်းမာမာ ခံစားရခြင်းတို့ ပါဝင်သည်။ အကြောင်းရင်းများ ခြောက်သွေ့သော အသားအရေသည် ပြင်ပနှင့် အတွင်းပိုင်း အကြောင်းရင်းများကြောင့် ဖြစ်သည်။ ပြင်ပ အကြောင်းရင်းများ- ခြောက်သွေ့သောရာသီဥတုသည် အရေပြားအတွင်းပိုင်းမှ အစိုဓာတ်ကို အဆီနှစ်လွှာမှတစ်ဆင့် ခြောက်သွေ့သောပြင်ပလေထဲသို့ ရောက်သွားစေသည်။ လေအေးပေးစက်များနှင့် အပူပေးစက်များသည် လေထုထဲမှ အစိုဓာတ်ကို ထုတ်ယူကာ အတုအယောင်ခြောက်သွေ့သော ရာသီဥတုကို ဖန်တီးပြီး အရေပြားမှ အစိုဓာတ်ကို ထုတ်ယူသည်။ နေ့စဉ်ဆေးကြောခြင်းနှင့် အပြင်းစား ဆပ်ပြာမှုန့်များနှင့် ထိတွေ့ခြင်းသည် အရေပြား၏ အဆီနှစ်လွှာကို ဖယ်ရှားပြီး အရေပြားမှ အစိုဓာတ်ကို လွယ်ကူစွာ ထွက်သွားစေနိုင်သည်။ အတွင်းပိုင်း အကြောင်းရင်းများ- အသက်ကြီးလာသည်နှင့်အမျှ အရေပြားသည် အဆီဓာတ်များ ထုတ်လုပ်မှု နည်းပါးလာပြီး အဆီနှစ်လွှာကို ပါးလွှာစေကာ အစိုဓာတ်ကို ထွက်သွားရန် ပိုမိုလွယ်ကူလာစေသည်။ မျိုးရိုးဗီဇများသည် အဆီနှစ်လွှာတွင် သဘာဝအတိုင်းဖြစ်ပေါ်နေသော စီရာမိုက်အဆီ ပမာဏနည်းပါးခြင်းကြောင့် ခြောက်သွေ့သော အသားအရေ ဖြစ်ပေါ်လာစေခြင်းတွင် အခန်းကဏ္ဍတစ်ခုမှ ပါဝင်နိုင်သည်။ ၎င်းသည် အရေပြား အပေါ်ယံလွှာ၏ အစိုဓာတ်မထွက်သွားအောင် ပိတ်ဆို့ပေးနိုင်စွမ်းကို လျော့ကျစေပြီး အစိုဓာတ် ဆုံးရှုံးမှု၏ ပုံမှန်အဆင့်ထက် ကျော်လွန်စေသည်။ အရေပြား၏ pH သည် အရေပြားအစိုဓာတ်ဆုံးရှုံးခြင်း၊ ထိခိုက်ခြင်းမဖြစ်အောင် တားဆီးပေးနိုင်မှုအပေါ် သက်ရောက်သည်။ အရေပြားအတွင်းရှိ pH ပမာဏ မြင့်မားခြင်းသည် အဆီနှစ်လွှာ၏ ကျန်းမာသော လုပ်ဆောင်မှုကို ထိခိုက်စေပါသည်။

Bio‑Oil® Dry Skin Gel ထုတ်လုပ်မှုသည် အလှကုန်ပစ္စည်းများအတွက် ISO 22716:2007 ၏ ကောင်းမွန်သော ထုတ်လုပ်မှုဆောင်ရွက်ချက် (GMP) သတ်မှတ်ချက်များနှင့် ကိုက်ညီပါသည်။ Bio‑Oil® Dry Skin Gel ကို ထုတ်လုပ်ရာတွင် အသုံးပြုသည့် ကုန်ကြမ်းအားလုံးတွင် လေ့လာဆန်းစစ်မှု အသိအမှတ်ပြုလက်မှတ် (COA) ပါရှိပြီး ထုပ်ပိုးမှုဆိုင်ရာ ပစ္စည်းများအားလုံးတွင် စည်းကမ်းလိုက်နာမှု အသိအမှတ်ပြုလက်မှတ် (COC) ပါရှိသည်။ အရည်အသွေးထိန်းချုပ်မှု စစ်ဆေးမှုများ မအောင်မြင်မချင်း ကုန်ကြမ်း သို့မဟုတ် ထုပ်ပိုးပစ္စည်းများကို ထုတ်လုပ်ခြင်းတွင် သုံးခွင့်မပြုပါ။ ရောနှောထားသော Bio‑Oil® Dry Skin Gel အသုတ်တိုင်းကို သီးသန့်အသုတ်နံပါတ် သတ်မှတ်ပေးပါသည်။ အသုတ်မှ နမူနာကို ပုံပန်းသွင်ပြင်၊ ကြည်လင်ပြတ်သားမှု၊ အနံ့၊ ဓာတုပစ္စည်း၏ အလင်းစုပ်ယူမှုပမာဏ တိုင်းတာမှု၊ သိပ်သည်းဆ၊ စေးကပ်မှုနှင့် အဏုဇီဝဗေဒတို့အရ ခွဲခြားသတ်မှတ်ခြင်းအတွက် ဓာတ်ခွဲခန်းမှ စမ်းသပ်သည်။ နမူနာကို လေးနှစ်ကြာ ထိန်းသိမ်းထားသည်။ Bio‑Oil® Dry Skin Gel ကို ဖြည့်သွင်းခြင်းနှင့် ထုပ်ပိုးခြင်းကို အပူချိန်နှင့် စိုထိုင်းဆ ထိန်းချုပ်ထားသည့် စက်ရုံတွင် ပြုလုပ်သည်။ ဖုန်မှုန့်ကြောင့် ညစ်ညမ်းမှုကို တားဆီးရန် လေသည် ထိရောက်မှုမြင့်မားသော အမှုန်အမွှားပါသည့်လေ (HEPA) စစ်ထုတ်သည့် စနစ်တစ်ခုကို ဖြတ်သန်းသွားပါသည်။ ထုတ်လုပ်မှုလိုင်းများတွင် အလုပ်လုပ်သော ဝန်ထမ်းများသည် ဦးထုပ်များ၊ နှာခေါင်းစည်းများ၊ မျက်နှာအကာများ၊ လက်အိတ်များ၊ အပေါ်ရုံအင်္ကျီများနှင့် ဖိနပ်အစွပ်များဝတ်ဆင်ကြသည်။ နမူနာများကို ပုံမှန်အချိန်များခြား၍ လိုင်းမှ ထုတ်ယူပြီး ပုံမှန်မဟုတ်သော ပြစ်ချက်များ မရှိအောင် ကြိုတင်ကာကွယ်မှုအနေဖြင့် အရည်အသွေးထိန်းချုပ်ရေးဌာနက စစ်ဆေးသည်။ အသုတ်နံပါတ်တစ်ခုကို ပုလင်း၊ ဘူးနှင့် ပစ္စည်းထည့်ထားသည့်ကတ်ထူပုံးတွင် ရိုက်နှိပ်ထားပြီး ထုတ်လုပ်သည့်အသုတ်တစ်ခုစီမှ ထိန်းသိမ်းနမူနာကို လေးနှစ်ကြာ သိမ်းဆည်းထားသည်။ Bio‑Oil® Dry Skin Gel ကို ထုတ်လုပ်ရာတွင် အန္တရာယ်ဖြစ်စေနိုင်သော ဓာတ်ငွေ့ထုတ်လွှတ်မှုများ၊ အန္တရာယ်ရှိ အညစ်အကြေး သို့မဟုတ် ရေဆိုးတို့ ဖြစ်ပေါ်စေခြင်းမရှိပါ။

Bio‑Oil® Dry Skin Gel ကို နေရောင်ခြည် တိုက်ရိုက်မထိတွေ့သော အေးမြသည့် နေရာတွင် သိမ်းဆည်းသင့်ပါသည်။

Bio‑Oil® Dry Skin Gel ထုပ်ပိုးမှု (ဘူးဝိုင်း၊ အဖုံး၊ တံဆိပ်နှင့် ပါကင်ဘူး) အားလုံးကို ပြန်လည်အသုံးပြုနိုင်ပါသည်။

Bio‑Oil® Dry Skin Gel ၏ ဘူးဖွင့်ပြီးနောက် အသုံးပြုရမည့်ကာလမှာ 12 လဖြစ်သည်။ ဤသည်မှာ ကုန်ပစ္စည်း ဘေးကင်းမှုရှိပြီး အသုံးပြုသူကို ထိခိုက်မှုမရှိစေဘဲ အသုံးပြုနိုင်သည့် ဘူးဖွင့်ပြီးနောက် အသုံးပြုရမည့် ကာလဖြစ်သည်။

Bio‑Oil® Dry Skin Gel သည် ဟာလာထောက်ခံချက်နှင့် Kosher အသိအမှတ်ပြုမှု ရရှိထားသည်။

Bio‑Oil® Dry Skin Gel သည် အဆိပ်အတောက်ဖြစ်စေသော အရာများဆိုင်ရာ စုစည်းဖော်ပြချက်အရ ဘေးကင်းမှုရှိပြီး ဤနည်းအားဖြင့် နိုင်ငံတကာ စည်းမျဉ်းများနှင့် ကိုက်ညီသော်လည်း အလှကုန်ပစ္စည်းများ အားလုံးကဲ့သို့ပင် Bio‑Oil® Dry Skin Gel ကို အသုံးပြုသူများသည် ကုန်ပစ္စည်းကို အသုံးပြုသည့်အခါ ဘေးထွက်ဆိုးကျိုးများနှင့် ကြုံတွေ့ရနိုင်သည့် အန္တရာယ်ရှိသည်။ ဘေးထွက်ဆိုးကျိုး ဖြစ်ပေါ်ပါက ကုန်ပစ္စည်း အသုံးပြုမှုကို ချက်ချင်းရပ်သင့်သည်။ ဆိုးရွားသော အရေပြား ဓာတ်မတည့်တုံ့ပြန်မှု၏ လက္ခဏာများတွင် ကုန်ပစ္စည်း လိမ်းထားသည့်နေရာ၌ ပုံမှန်အားဖြင့် ဖြစ်ပေါ်လေ့ရှိသည့် အင်ပျဉ်ကဲ့သို့ အနီကွက်ထခြင်းများ၊ ဖူးရောင်ခြင်းနှင့် ရောင်ရမ်းခြင်းများ ပါဝင်နိုင်သည်။ ထိုတုံ့ပြန်မှုများတွင် ယားယံခြင်းနှင့် အနည်းငယ် မသက်မသာဖြစ်ခြင်းတို့ပါ ဖြစ်ပေါ်နိုင်သည်။ အခြေအနေအများစုတွင် ကုန်ပစ္စည်းအသုံးပြုမှုကို ရပ်ဆိုင်းပြီးနောက် နှစ်ရက်မှ သုံးရက်အတွင်း ဘေးထွက်ဆိုးကျိုးများ သက်သာသွားပါမည်။ တုံ့ပြန်မှု သက်သာလာသည်နှင့်အမျှ နဂိုအခြေအနေသို့ ပြန်မရောက်မချင်း အရေပြားသည် ခြောက်သွေ့ပြီး အဖတ်လိုက် ကွာကျနိုင်သည်။ Bio‑Oil® Dry Skin Gel ကို အသုံးပြုရာတွင် ဓာတ်မတည့်မှု ဖြစ်ပေါ်နိုင်ခြေနှင့်ပတ်သက်၍ စိုးရိမ်မှုတစ်စုံတစ်ရာရှိပါက ၎င်းကိုစစ်ဆေးရန် ရိုးရှင်းသော ဓာတ်မတည့်ခြင်း စမ်းသပ်မှုတစ်ခုကို လုပ်ဆောင်သင့်သည်။ ထုတ်ကုန်ပမာဏ အနည်းငယ်ကို လက်ဖျံ၏ အတွင်းဘက်တွင် လိမ်းပြီး တုံ့ပြန်မှုတစ်စုံတစ်ရာ ဖြစ်ပေါ်ခြင်းရှိ၊ မရှိ သိရှိရန် 24 နာရီကြာ စောင့်ဆိုင်းခြင်းဖြင့် ထိုသို့ပြုလုပ်နိုင်သည်။ သိသိသာသာ အရေပြားနီမြန်းခြင်း (အရေပြား အနီစက်ထခြင်း) သို့မဟုတ် အရေပြား အနည်းငယ် ရောင်ရမ်း (ရောင်ကိုင်း) ခြင်းသည် ဓာတ်မတည့်မှု ဖြစ်ပေါ်နိုင်ခြေရှိကြောင်း ညွှန်ပြနိုင်သည်။

Bio‑Oil® Dry Skin Gel နှင့် ၎င်း၏အစိတ်အပိုင်း ကုန်ကြမ်းများကို အလှကုန်အတွက် တိရစ္ဆာန် စမ်းသပ်ခြင်းဆိုင်ရာ EU စည်းမျဉ်းများနှင့်အညီ ထုတ်လုပ်ထားသည်။ Bio‑Oil® Dry Skin Gel ကိုရော ၎င်း၏ ပါဝင်ပစ္စည်းများကိုပါ Bio‑Oil သို့မဟုတ် ၎င်း၏ ကုန်ကြမ်းသွင်းသူများက တိရစ္ဆာန်များတွင် စမ်းသပ်ထားခြင်းမရှိပါ။

Bio‑Oil® Dry Skin Gel တွင် သိုးမွေးမှ ထုတ်ယူထားသော ပျားဖယောင်းကဲ့သို့ အဆီခဲတစ်မျိုးဖြစ်သည့် lanolin ပါဝင်သည်။ ထို့ကြောင့် Bio‑Oil® Dry Skin Gel တွင် တိရစ္ဆာန်ထွက်ပစ္စည်း ပါဝင်သည်။

Bio‑Oil® Dry Skin Gel ကို မတော်တဆ မျိုချမိပါက Bio‑Oil® Dry Skin Gel သည် အဆိပ်အတောက် မရှိသောကြောင့် ပျို့အန်ခြင်းနှင့် ဝမ်းလျှောခြင်း စသည့် ခံစားချက်များထက် ကျော်လွန်၍ မည်သည့်ဘေးထွက်ဆိုးကျိုးများကိုမျှ ခံစားရနိုင်မည်မဟုတ်ပေ။ သို့သော် အထူးသဖြင့် မွေးကင်းစကလေး သို့မဟုတ် ကလေးငယ်တစ်ဦးက မတော်တဆ မျိုချမိသောအခါတွင် ဆေးဘက်ဆိုင်ရာ အကြံဉာဏ်ကို ရယူရန် အကြံပြုထားသည်။

Bio‑Oil® Dry Skin Gel ၏ အသွင်အပြင် ပြောင်းလဲနိုင်သည့် အခြေအနေနှစ်ခု ရှိသည်။ ပထမအခြေအနေသည် ဂျယ်လ်ကို အလွန်မြင့်သော သို့မဟုတ် အလွန်နိမ့်သော အပူချိန်နှင့် အချိန်ကြာမြင့်စွာ ထိတွေ့သည့်အခါတွင် ဖြစ်ပေါ်သည်၊ အလွန်မြင့်မားသော အပူချိန်များသည် ဂျယ်လ်၏ မျက်နှာပြင်ကို ခြောက်သွေ့စေသည်၊ ဘူးကို ဖွင့်ထားသည့်အခါ ပို၍ခြောက်သွေ့သည်။ ယင်းနှင့်ဆန့်ကျင်ဘက်အားဖြင့် အလွန်နိမ့်သောအပူချိန်သည် အေးခဲစေနိုင်သည်။ အဖြစ်အပျက်နှစ်ခုစလုံးက ဂျယ်လ်ကို အဖြူရောင်အသွင်အပြင် ဖြစ်စေနိုင်သည်။ ဒုတိယအခြေအနေမှာ အသုံးပြုစဉ်အတွင်း ရေ သို့မဟုတ် အခြားအရည်များကို ဘူးထဲထည့်လိုက်သောအခါ ဖြစ်ပေါ်တတ်သည်။ အရည်သည် ဖော်မြူလာရှိ အရည်ပျစ်ဖြစ်စေသည့် ပစ္စည်းနှင့် ဓာတ်ပြုပြီး အရည်ပျစ်ဖြစ်လာသည့် ဖြစ်စဉ်ကို စတင်ကာ ဂျယ်လ်ကို အဖြူရောင်ပြောင်းစေပြီး အပျစ်အကျဲကို ပြောင်းလဲစေသည်။

2023 ခုနှစ် ဩဂုတ်လ 22 ရက်